მიუზიკლი

2016 წლის ნოემბრის თვეში,ფესვებმა საქართველოდან სპეციალურად მოიწვია
უნიჭიერესი და ძალიან წარმატებული რეჟისორი ბატონი ნიკოლოზ საბაშვილი.
რეჟისორმა დიდი სიხარულით მიიღო ფესვების მიწვევა და გადაწყდა,შეექმნათ  მუსიკალური სპექტაკლი სახელწოდებით  "ლეგენდა საქართველოზე". ბატონმა ნიკამ სულ რაღაც 5 კვირაში სპექტაკლი დადგა და ჩვენი ბავშვები მსახიობებად აქცია. სპექტაკლში გამოყენებული იქნა სიმღერები ქართულ და ინგლისურ ენებზე რომელიც ვანო გოდერძიშვილმა შექმნა სპეციალურად ამ სპექტაკლისთვის. მოიწვიეს შესანიშნავი მოცეკვავე და ქორეოგრაფი, ფესვების ყოფილი მოსწავლე ვაკო გველესიანი. რომელმაც ბავშვებს ჰიპჰოპის ცეკვა შეასწავლა. მისი ცეკვები მუზიკლში იქნა გამოყენებული.2016 წლის 24 დეკემბერს,სიმფონი სფეისის დარბაზში, რომელიც მდებარეობს ბროდვეიზე, დიდი წარმატებით ჩატარდა მიუზიკლი "ლეგენდა საქართველოზე" სადაც მონაწილეობას ღებულობდნენ არა მარტო "ფესვების" მოზარდი ახალგაზრდები, არამედ პროფესიონალი მსახიობებიც: გიორგი კაკაურიძე, ნინო იმედაძე, ლაშა ზალკალიანი,სოსო თოლორაია.ასევე მომღერლები და მუსიკოსები: ნოდარ ობოლაშვილი,გია ჯანიაშვილი, გივი ხოსროშვილი,დათო ამბროსიძე, გიორგი ხიზანიშვილი,გიგა ამირანაშვილი, ირაკლი დათუაძე,ირაკლი შარაძე და ნატო გოდერძიშვილი. მაყურებელი აღფრთოვანებას ვერ მალავდა. ამ წარმატებამ ახალ პროექტებს ჩაუყარა საფუძველი. ზუსტად ერთ წელიწადში ბატონი ნიკა საბაშვილი კვლავ ესტუმრა ნიუ იორკს და ფესვებთან ერთად დაიწყო მუშაობა მიუზიკლზე " წუნა და წრუწუნა " 2016 წელს მოწვეულ მსახიობებსა და მუსიკოსებს  2017 წლის დეკემბერში კიდევ რამოდენიმე პროფესიონალი შეემატა: ირაკლი ბეგლარაშვილი, ნიკა ელიავა, გიორგი ფოცხვერია, გიორგი თოდრია და ნანიკო კვარაცხელია. რეჟისორმა ნიკა საბაშვილმა შექმნა მიუზიკლი "წუნა და წრუწუნას" ახალი ვერსია, სადაც გაჩნდნენ ახალი პერსონაჟები, გაჩნდა ახალი თემები და მუსიკალური კომპოზიციები.
2017 წლის 26 დეკემბერს, ბრუკლინში, მასტერ თეატრის სცენაზე, უდიდესი წარმატებით ჩატარდა მიუზიკლი " წუნა და წრუწუნა " ყველა ბილეთი გაიყიდა, ხალხი აღფრთოვანებულია. ყველა აღნიშნავს ერთსა და იმავეს: ხარისხი იყო უმაღლესი და ყველა ძალიან კმაყოფილი დარჩა.

2017 წლის 12 ივნისს "ფესვები" 16 წლის გახდა.
ამ საიუბილეო თარიღთან დაკავშირებით "ფესვებმა" გრანდიოზული კონცერტი გამართა მასტერ თეატრში. 1400 ადგილი შეივსო. კონცერტს ესწრებიან როგორც საქართველოს საკონსულოს, ასევე ბრუკლინის, მერიისა და კულტურის სამინისტროს წარმომადგენლები და  ჩრდილოეთ ამერიკის ეპარქიის სასულიერო პირები. ყველამ აღნიშნა თუ რაოდენ დიდი მნიშვნელობა და დატვირთვა აქვს "ფესვებს" ემიგრაციაში დაბადებული ქართველი ბავშვებისათვის, მათი კულტურული განვითარებისათვის და სწორად ჩამოყალიბებისათვის. 3 საათის განმავლობაში განუწყვეტლივ აპლოდირებდა აღფრთოვანებული დარბაზი. სცენაზე გამოდიოდა ყველა, ვისაც ოდესმე "ფესვებში" უცეკვია. ბავშვები ჩამოვიდნენ სხვადასხვა შტატებიდან რათა ამ ღონისძიებაში მიეღოთ მონაწილეობა. კონცერტის წამყვანები იყვნენ ქართული ჟურნალი "მამულის" დამაარსებელი და რედაქტორი მანუჩარ კაჭახიძე და "ფესვების" მიერ  აღზრდილი, შესანიშნავი მომღერალი მარიამ ჩუბინიძე. კონცერტი წაიყვანეს ქართულ და ინგლისურ ენებზე. ცეკვები შესრულდა ცოცხალი მუსიკის თანხლებით ირაკლი ბეგლარაშვილის, გივი ხოსროშვილის, ნოდარ ობოლაშვილის,ნიკა ელიავას, ირაკლი შარაძის,სოსო თოლორაიას, ნატო გოდერძიშვილის, რაული მშვიდობაძის, გია ჯანიაშვილის, დათო ამბროსიძისა, დათო რამიშვილისა და ივანე გოდერძიშვილის შესრულებით.


 

2019 წელს გავხსენით ფესვების   ახალი ფილიალები  ნიუ იორკის კიდევ ერთ ქალაქში "სპრინგვალი'' და ნიუ ჯერსის შტატის ქალაქ მარლბოროში. ჩვენს  სტუდიებში  მოსწავლეთა რაოდენობა დღითიდღე იზრდებოდა.

2020 წელს, მსოფლიოში ყველაფერი გაჩერდა პანდემიის გამო. ჩვენც შევწყვიტეთ მუშაობა, მაგრამ ჩვენი კულტურის ცენტრი იყო ერთ-ერთი პირველი, ვინც დაიწყო გაკვეთილების ჩატარება დისტანციურად ვიდეო კავშირების საშუალებით.

ამ რთულ პერიოდშიც ბევრი სტუდენტი შემოგვიერთდა ვიდეო გაკვეთილებზე. ამ საშინელ დროს ჩვენ შევძელით მოკლე ვიდეოკლიპის გადაღება ჩვენი ცენტრის შესახებ.

საბედნიეროდ, პანდემია დასრულდა და გაკვეთილები სრულად განახლდა ჩვენს სტუდიებში.

2023 წლის 5 თებერვალს ბრუკლინში, დიდ თეატრში  გავმართეთ ფესვების სოლო კონცერტი. მონაწილეობა მიიღეს  ბრუკლინის, სპრინგვალისა და ნიუ ჯერსის, ჩვენი ფილიალების მოსწავლეებმა. მოცეკვავეებმა და მომღერლებმა.